സഖി ,ഇനിയും നിന്നെ തേടി അലയാന്‍
ആയുസ്സും കാലവും നഷ്ടമായിരിക്കുന്നു
കുഴിമാടത്തിലെങ്കിലും ഒരിറ്റു കണ്ണീരു
കൊണ്ടെന്റെ ഹൃദയം നനച്ചുവെങ്കില്‍
വ്യര്‍ത്ഥമാവില്ലായിരുന്നു നമ്മുടെ പ്രണയം
മറവിയുടെ തെരുവിലുപേക്ഷിച്ച സ്വപ്നങ്ങളില്ലാത്ത ജീവിതം
നിറങ്ങള്‍ നഷ്ടപെട്ട മഴവില്ലു പോലെ
അര്‍ത്ഥമില്ലാത്തൊരു കവിതയാവില്ലയിരുന്നു
നിനക്കൊട്ടും ഇഷ്ടമാവില്ലെന്നറിഞ്ഞിട്ടും
അത്മാവിന്റെ ഗദ്ഗദം പോലെ
വാക്കുകള്‍ ഇഴപിരിഞ്ഞിങ്ങനെ കേഴുകയില്ലായിരുന്നു
തെറ്റിധാരണകള്‍ക്കുത്തരം അല്ലെങ്കില്‍ കുമ്പസാരം
എന്തിനായിരുന്നു പ്രിയേ, നമുക്കിടയില്‍ ജയവും തോല്‍വിയും
നമുക്കിടയിലെ ശരി തെറ്റുകളില്‍ പൊലിഞ്ഞു പോയതു
നമ്മുടെ പ്രണയമോ അതോ ജീവിതം തന്നെയോ ..
