സ്വാഗതം ..

 

കാലങ്ങളേറെകണ്ണും നട്ട് കാത്തിരുന്നിട്ടു
കൈവന്നൊരു സൌഭാഗ്യമേ ,കൈവല്യമേ ..

നീയാണിനി സര്‍വ്വം ,നീ തന്നെയാണിനി ജീവിതവും
കേവല ജീവിതവ്യഥകളിലിനി താങ്ങായ് തണലായ്‌
നിഴലായ് നിലാവായ് നറുംവെണ്ണതന്‍ കുളിരായ്
നന്മതന്‍ പുതപ്പായെന്നുമെന്‍ മാറില്‍ നിറയുക സുഗന്ധമേ ...
നീ തന്നെ ഞാനും .....ഞാന്‍ തന്നെ നീയും .....
വന്നാലും സഖി ,നിനക്കെന്റെ ഹൃദയസോപാനത്തിലേക്കു സ്വാഗതം ..
നിന്റെ കുസൃതികളും കൌതുകങ്ങളും പിണക്കങ്ങളും
എന്നുമെന്നുമെന്നില്‍ നിറയ്ക്കട്ടെ നവോന്മേഷപുളകങ്ങള്‍ ..!

ജീവിതാസക്തി തെല്ലും കുറയാതെ
പുനര്‍ജ്ജന്മം കാത്തു ഞാനെന്റെ                                                            

ജന്മഗേഹത്തിലേക്കു മടങ്ങുവോളം,നയിച്ചാലും ..

തളരാതെ തളര്‍ത്താതെ യൊപ്പം,പിന്തുടര്‍ന്നാലും ..