......

സന്ധ്യേ, നീ കള്ളിയാണ്....പഠിച്ച കള്ളി ..

നീയിനിയുമെന്തിനാണെന്റെ ഹൃദയത്തിൽ
വിരഹത്തിൻ   കൊളുത്തിട്ടു വലിക്കുന്നത് ...
നിന്റെ നിന്മ്നോന്നതങ്ങളിൽ
 പുതു ജീവന്റെ  കവിത കുറിയ്ക്കാനോ ...

ഡിവോര്സ്

അർത്ഥഗർഭമായ മൌനത്തിന്റെ പരിസമാപ്തി
വേർപിരിയാനൊരുങ്ങും കാത്തിരിപ്പ് ....

സമാന്തരഹൃദയങ്ങളുടെ സമർപ്പിത പ്രതികരണം
പ്രോജ്ജുല ഭാവിയല്ലോ കീറാ മുട്ടി ...

നായിക നയം വ്യക്തമാക്കുന്നു
നായകനും തുറന്നടിക്കുന്നു
വ്യക്തമാക്കാൻ നയമെന്തെന്നു പോലുമറിയാതെ
കുഞ്ഞപ്പോഴും കരഞ്ഞു കൊണ്ടേയിരുന്നു

പൊട്ടിച്ചെറിഞ്ഞത് ബാല്യമായിരുന്നു
പൊട്ടിച്ചിരിച്ചത് അസൂയയും ചാപല്യവും

നഷ്ടപെടുന്നത് മുൻവിധികൾ
ഇഷ്ടപെടുന്നത് ഡിവൊർസെന്ന വിധി!

അവൾ എന്റെ ഭാര്യ

എന്റെ അപകർഷതകളാണ് 

അവളെ എന്നിലേക്ക്‌ അടുപ്പിച്ചത് 

എന്റെ ഇഷ്ടങ്ങളാണ് 

അവളുടെ കണ്ണുകളിൽ കൌതുകം നിറച്ചത് 

എന്റെ ദേഷ്യപെടലുകളിലൂടെയാണ് 

അവളെന്റെയാൽമാവിനെ തിരിച്ചറിഞ്ഞത് 

എന്റെ സങ്കടങ്ങളെയാണ് 

അവൾ ഉമ്മകൾ കൊണ്ട് മൂടിയത് 

എന്റെ സ്വപ്നങ്ങളെയാണ് 

അവൾ പാലൂട്ടി വളർത്തിയത്‌ 

അവൾ എന്റെ ഭാര്യ 

അവളെന്റെ ആൽമസഖി ..

അസ്വസ്ഥത..

അസ്വസ്ഥമാകുന്നത്...
ചഞ്ചലമായ മനസ്സാണെന്ന്
ഞാൻ തിരിച്ചറിയുന്നുണ്ട്..

സ്നേഹിക്കപെടാനുള്ള...
സ്വപ്നമാണ് കാരണമെന്നുമറിയാം..

സ്നേഹമെന്താണെന്നും..
മനുഷ്യരുടെ സ്നേഹത്തിന്റെ
അടിസ്ഥാനമെന്തെന്നും..
വ്യാപ്തിയെന്തെന്നും..
ആവശ്യകതയെന്തെന്നും..
നല്ല തിട്ടമുണ്ടായിട്ടും.......

മൂഡസ്വർഗ്ഗത്തിലെന്ന പോലെ
മനസ്സ് കേഴുന്നതും പുലമ്പുന്നതും
സ്വപ്നം കാണുന്നതും
വാശി പിടിക്കുന്നതും
കാഴ്ചപ്പാടുകളുറക്കെ
വിളിച്ചലറി വെല്ലുവിളിക്കുന്നതും
നിയോഗമെന്നറിയുന്നുമുണ്ട്  ഞാൻ

എങ്കിലും....

പഞ്ചഭൂതങ്ങൾ പ്രകർഷേണെ
പഞ്ചീകൃതമായ പ്രപഞ്ചവും
ശബ്ദ സ്പർശ രസ രൂപ ഗന്ധാദികളുടെ
മായവലയവും തീർത്ത്
ദേഹിയെ ദേഹത്തിൽ
മനസ്സും ബുദ്ധിയുമായ്
ശ്വാസം വിടാനാവാതെ ബന്ധിപ്പിച്ച്
ചമച്ച ചമൽക്കാരവും.....പിന്നെ,

ഇതിൽ നിന്നെല്ലാം പ്രാണനെ ഉദ്ധരിപ്പിക്കാൻ
ഗീതയും പറഞ്ഞു വച്ച്..
നിശ്ചയിച്ചുറപ്പിച്ച നിയോഗങ്ങളിലൂടെ..
ജന്മങ്ങളുടെ കർമ്മങ്ങളിലൂടെ
പ്രകൃതിയെ രചിച്ചു പ്രളയത്തിലേക്ക്
തള്ളിവിട്ടു രസിക്കുന്ന ലീലാവിലാസം.......!

ഞാൻ എന്തെന്നും എന്തിനെന്നും അറിഞ്ഞാൽ ആനന്ദം..
ഞാൻ തന്നെയാണ് സർവ്വചരാചരത്തിനും നിദാനം..
സർവ്വഭൂതങ്ങളുടെയും കാരകനും  കാരണവും..
കർമസാക്ഷിയും കാലചക്രഗതി നിർണ്ണയവും ഞാൻ തന്നെ

പിന്നെയുമെന്തിനാണ് ഈ അസ്വസ്ഥത .....?
എന്തൊക്കെയുണ്ടായിട്ടെന്താ തിരിച്ചറിവില്ല...അത്ര തന്നെ.... !!