വിഷാദമായ്പടരുംദൈന്യമുള്ളിലൊരുതേങ്ങലായ്പതുങ്ങി .... ജനിക്കുമൃതിഗീതംമൂളുംയാമമുണരുന്നതൊരുനഷ്ടസ്വപ്നമായ്..
12/05/2018
അച്ഛൻ ..
എഴുതുവാനോർമ്മകളേറെയില്ലെങ്കിലു-
മൊരു കനലായ് നീയെന്നിൽ പടരുന്നു
ഒരു വാക്കു കൊണ്ടെന്റെ മനം കുളിർപ്പിക്കുവാൻ
കൂടെയില്ലെങ്കിലും നീയെന്നിൽ നിറയുന്നു
കൂട്ടം ചേർന്നേവരുമെന്നെ തനിച്ചാക്കീടുമ്പോൾ
തളർത്താതെയെന്നെ നീ നയിക്കുന്നു
നീ കണ്ട സ്വപ്നങ്ങൾ നെയ്തെടുക്കുവാ -
നൊരു ജന്മം പകർന്നു നീ മറഞ്ഞപ്പോൾ
അനാഥത്വമേകിയ ദുരിതകയങ്ങളിൽ
ഇടനെഞ്ചുപൊട്ടി ഞാൻ കരഞ്ഞപ്പോൾ
കണ്ണീരൊപ്പാനാരുമില്ലയെന്റെ
സങ്കടം കേൾക്കാനാരുമില്ല ....
എന്തെന്തു ചെയ്യണമെന്നൊന്നുമറിയാതെ
ധൃതി പൂണ്ടെങ്ങോ ഞാൻ പായുന്നു ..
എന്തിനോ ഏതിനോ എങ്ങോട്ടോ ഞാൻ
നിൻ കയ്യിലെ പട്ടം കണക്കെ പാറുന്നു
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)