ലാൽ സലാം ..

ചെഗുവേര  മരിച്ചിട്ടില്ല ,ഞാൻ ഇവിടെ തന്നെയുണ്ട്‌ !
എന്റെ പേരിൽ മാത്രമെ വ്യതാസമുള്ളു
എന്നിങ്ങനെ ഒരശരീരി കാതുകൂർപ്പിച്ചാൽ കേൾക്കാം !

മറുവശത്ത്, സോഷ്യലിസം ഇന്നു വരും നാളെ വരുമെന്ന്
വാ പൊളിച്ച് സ്വപ്നജീവികളുടെ പുല്ലുവിളികൾ   .......

കമ്മ്യൂണിസം മരിച്ചു മണ്ണടിഞ്ഞാലെന്ത് !
സഖാക്കൾക്കും കിട്ടണം പണം,കാലം മാറി !

രക്തസാക്ഷികളെ...., നിങ്ങൾ കരുക്കളായിരുന്നു
നിങ്ങളെ നഷ്ടമായത് സ്വന്തം  കുടുംബത്തിനു മാത്രം!

സമത്വ സുന്ദര ലോകം കെട്ടിപ്പടുക്കാൻ
ഒറ്റയ്ക്കു പുറപ്പെട്ട വിഡ്ഢികളായല്ലോ നിങ്ങൾ!

മൂഡസ്വർഗം  സ്വപ്നം  കാണാൻ പഠിപ്പിച്ച്
തെരുവിൽ മുദ്രാവാക്യം വിളിപ്പിച്ച്
മണിമാളികകളിലിരുന്നു  സുഖിക്കുന്നവരെങ്ങനെ
നമ്മുടെ  നേതാക്കളാകും കൂട്ടരെ.....

നേതാവു കളിച്ച് കുടുംബം പോറ്റുന്നവരെ
ഒറ്റപ്പെടുത്തി, പണിയെടുക്കുക.
പോയി വല്ല  പണിയുമെടുക്കാൻ  പറയുക.

കഫം തിന്നു ചീർത്ത പിത്തക്കാടികൾ
പണിയെടുത്ത് തിന്നട്ടെ...,ലാൽ സലാം ..!

• 
  

  മൗനം ശീലിക്കുക

  ജനങ്ങൾ നേതാക്കളെ സൃഷ്ടിച്ചു നേതാക്കൾ പാർട്ടിയെ പോഷിപ്പിച്ചു നേതാക്കളും പാർട്ടിയും കൂടെ കള്ളപ്പണം പങ്കു വെച്ചു ..കീശ വീർപ്പിച്ചു .. ! എതിർത്തവനെ വെട്ടി കൊലപ്പെടുത്തി കാരണം കുലംകുത്തികൾ പാർട്ടി പിളർക്കും പാർട്ടി പിളർന്നാൽ പിന്നെ നേതാക്കളെന്തു ചെയ്യും കയ്യിട്ടു വാരാൻ എവിടെ പോകും പണിയെടുക്കാതെ തിന്നാൻ നല്ലത് രാഷ്ട്രീയം തന്നെ !

  കാലമേറെ മാറി കഴിഞ്ഞു ... അബ്കാരികളെല്ലാം തികഞ്ഞ സഖാക്കളാണ് സ്റ്റേറ്റ് കമ്മിറ്റി അവരുടെ തറവാടാണ് കോരനിപ്പോ കുമ്പിളിൽ പോലും കഞ്ഞിയില്ല ..! ആഗോളവൽക്കരണത്തിന്റെ അപചയം തന്നെ ..!!

  ഇ എം സ് പറഞ്ഞുവത്രേ, സഖാവെന്നാലർത്ഥം തലച്ചോറ് നേതാക്കൾക്കു പണയപ്പെടുത്തിയവനത്രേ! ചില നാൽകവലകളിൽ മിഷിനറി സന്ദേശം കാണാം ക്രിസ്തു പറഞ്ഞു ഇവിടെ മൂത്രം ഒഴിക്കരുതെന്ന്! പാർട്ടിക്കു കീഴ്പെട്ടു നില്ക്കണമത്രേ പാർട്ടിയെന്നാൽ നേതാക്കൾ, അണികളെല്ലാം..പിണികൾ !! കൂടെ നിന്നവനെ പിന്നിൽ നിന്ന് കുത്തി കുതി കാൽ വെട്ടി,ചാളപ്പുര മാന്തി പൊളിച്ച് മുപ്പതു വെള്ളിക്കാശിന്റെ ഏമ്പക്കം വിട്ട് തങ്ങളുടെ ത്യാഗചരിത്രം ഫീച്ചറാക്കിയവർ ! ജനഹൃദയങ്ങളിൽ നിന്ന് ആട്ടി പുറത്താക്കിയവർ അഭിനവ സഖാക്കളെ നിങ്ങൾ ശബ്ദിക്കാതെ, ഇരുമ്പുലക്ക വിഴുങ്ങി മൗനം ശീലിക്കുക.. തന്തമാരുടെ രക്തം കുടിച്ചു കൊഴുത്ത പാർട്ടിയല്ലെ ..!!