ചുറ്റിക്കറങ്ങുന്നുബോധംതലയില്‍
മങ്ങുന്നു കാഴ്ചകള്‍ കണ്ണില്‍ തെളിയുന്നു സ്വപ്നം
എത്തിപ്പിടിക്കാന്‍ വെമ്പുന്നു സ്വര്‍ഗം
പായുന്ന ചിന്തകള്‍ മനസ്സറിയാതെ വാക്കുകള്‍
ഭൂമിയെ ശിരസ്സു തൊട്ടു നമിച്ചങ്ങിനെ
ബോധം മണ്ണിലിഴയുന്നു പരതുന്നു
കാറ്റിലാടി കളിക്കുമൊരു തൂവല്‍ പോലെ
ഭാരമില്ലാതങ്ങിനെ ശൂന്യതയിലഭയം തേടുന്നു
ഓര്‍മകളിലെ ദുഃഖങ്ങള്‍ കൈവീശി പിരിയുന്നു
ഭൂമിയില്‍ മാലാഖമാര്‍ നൃത്തം വയ്ക്കുന്നു
ചെറു ചിരിയാല്‍ ചുണ്ടുകള്‍ നാമം ജപിക്കുന്നു
സ്തുതി ഗീതം നാവില്‍ മണ്ണിന്‍ രുചികളൂറൂന്നു
നിറയുന്ന "വാളുകളില്‍" ഭൂമി തന്‍ മനം പിടയുന്നു
ഒന്നുമറിയാതെ പതറാതെ പൊട്ടിച്ചിരികളുയരുന്നു
**************Dedicated To My Dear "Kudiyan" Friends**********
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ