സഖി ഇതാ നിനക്കായെന്റെ പ്രണയലേഖനം
അരുതരുതു സന്ദേഹം നിനക്കിനിയുമുള്ളില്‍
അരികിലായുള്ളവര്‍ക്കാര്‍ക്കുമല്ലയിതു
നിനക്കായ്‌ ഞാന്‍ കുറിച്ചിട്ട പ്രണയാക്ഷരങ്ങള്‍
വെറുതെയെന്നു തോന്നാമെങ്കിലുമെന്നുള്ളില്‍ സഖി
നാളേറെയായ് കൊതിക്കുന്നിതു നിന്‍ കാതിലോതാന്‍
ചെറുചിരി നിന്‍ ചുണ്ടില്‍ വിരിയുബോളോമനേ
ചെറുതല്ലയുള്ളില്‍ തിരതല്ലുന്ന മോഹം ................
നീയറിയാതെ ഞാന്‍ നെയ്ത സ്വപ്നങ്ങളെല്ലാം
റീവൈന്റിട്ടു കാണും ഞാന്‍ ചിലപ്പോഴെല്ലാം
മുല്ലപല്ലുകള്‍ക്കാട്ടി നീ ചിരിക്കുമ്പോള്‍
മഞ്ഞില്‍വിരിഞ്ഞപൂക്കളെയോര്‍ക്കും ഞാന്‍
ഇന്നിതാ മുന്നില്‍ നീ വന്നു നില്‍ക്കുമ്പോള്‍
പിന്നിട്ട വാക്കുകളില്‍ കണ്ണറിയാതുടക്കുമ്പോള്‍
അക്ഷരതെറ്റുകളുണ്ടെങ്കിലതായ് പിന്നെ
പിണങ്ങുവാന്‍ വേറെ വല്ലതും വേണോ??!
സൈറ്റടിക്കുമിന്നെന്റെ വാക്കുകള്‍ നിന്നുള്ളില്‍
ചുംബനമായതു മാറും ചുണ്ടില്‍ പതുക്കെ
പിന്നെയതു നിനക്കു മറക്കുവാനാവാത്ത
പേരറിയാത്തൊരു നൊമ്പരമാകും .....
............................................................................................
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ