നഷ്ടമായതു കേവലമൊരു സ്വപ്നം മാത്രം
സ്വപ്‌നങ്ങള്‍ കാണാനാകുന്ന മനസ്സ് ഇപ്പോഴും ബാക്കിയുണ്ട്
എന്റെ മരണത്തിനായ് പ്രാര്‍ഥിച്ചവരോട് നന്ദി
അങ്ങിനെയെങ്കിലും നിങ്ങളൊന്നു ദൈവത്തെയോര്‍ത്തല്ലോ !
ഹൃദയമില്ലാത്തവന്‍ ,സ്വാര്‍ത്ഥന്‍ ,സ്നേഹശൂന്യന്‍
ഒരു മൃഗം, എന്നിങ്ങനെ ഘോരഘോരം അധിഷേപിക്കുമ്പോള്‍
എന്റെ ഹൃദയം പറിച്ചെടുത്ത നിനക്കു
വ്യക്തമായറിയാമായിരുന്നു ഞാനെത്ര വേദനിക്കുമെന്ന് ..
ഒരായുസ്സു മുഴുവനോര്‍മ്മിക്കാന്‍ സ്നേഹത്തിന്റെ
കുറച്ചക്ഷരങ്ങളെങ്കിലും നിനക്കു നല്‍കാമായിരുന്നു ..
ഔപചാരികതയുടെ മുടന്തന്‍ ന്യായം പറഞ്ഞ്
നീയില്ലാത്ത ചാരിത്രശുദ്ധിക്കു വേണ്ടി വാദിച്ചു
എന്ത് ഭ്രാന്താണ് നിങ്ങളീ പറയുന്നതെന്ന്
തോന്നുന്നുവെങ്കില്‍ ക്ഷമിക്കുക ..
കടന്നു പോകുന്ന ഓരോ നിമിഷവും
നീ നിന്റെ ജീവിതത്തില്‍ എന്നെ അടയാളപെടുത്തും
അവഗണനയോടെ അതിലുമേറെ വെറുപ്പോടെ
ഞാനെന്ന ഓര്‍മയെ കുഴിവെട്ടിമൂടാന്‍ നീയിനിയും ഭയക്കുന്നു
കൈവന്ന സൌഭാഗ്യങ്ങളില്‍ പെണ്ണെന്ന അതിബുദ്ധി
"പറിച്ചെടുത്ത ഹൃദയം "ഓര്‍മകളുടെ പിന്തുടര്ച്ചയെക്കാള്‍
ശക്തമായി,അവശേഷിക്കുന്നജീവന് വേണ്ടിയാചിക്കുമെങ്കിലും
മിടിപ്പണയുംവരെ'നല്‍കാന്‍മടിച്ചൊരുവാക്കിനായ്‌ 'ദാഹിക്കും !
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ